Фудбалски тренер со петгодишно искуство во работа со деца на возраст од 6 до 15 години. Дипломиран фудбалски тренер на Факултетот за физичка култура и носител на UEFA B лиценца.
Има учествувано на бројни меѓународни турнири и едукативни семинари, како и во тренинг‑кампови на Црвена Звезда и Барселона во Скопје. Во својата тренерска кариера, трипати има освоено прво место во ФФМ детската лига со две различни генерации.
Игор има богата играчка кариера во неколку домашни клубови, меѓу кои Македонија ЃП, Работнички, Металург и Вардар.
Повеќе од десет години е лиценциран тренер на голмани, со искуство во работа со сите возрасни категории од најмладите селекции до професионални голмани.
Во текот на својата тренерска кариера, има значајно искуство и во младинските репрезентации на Македонија.
Игор е официјален тренер на голмани во Villarreal Masters Academy, каде активно учествува во развојот на младите голмани според современи и професионални тренажни принципи.
Бојан е UEFA лиценциран тренер со искуство во работа, менторство и развој на млади играчи во повеќе клубови. Неговиот тренерски пристап е насочен кон развој на техничките вештини, но и кон градење карактер и спортски вредности.
Работи во поддржувачка и енергична средина, со цел да им помогне на децата да напредуваат и да се развиваат како фудбалери и како личности и на теренот и надвор од него.
Тони е поранешен професионален фудбалер со богата играчка кариера во македонското првенство и интернационално искуство во странство.
Носител е на UEFA A лиценца и поседува долгогодишно искуство во работа со млади фудбалери и сениорски екипи.
Во својата тренерска кариера со ФК Македонија Ѓорче Петров двапати го освојува Купот на Република Македонија, а во младинските категории бележи значајни успеси со освојување на две последователни шампионски титули со генерациите У14 и У15.
Посебен фокус во својата работа става на индивидуалниот развој на играчите, техничката подготовка, дисциплината и создавање на здрава и професионална спортска средина за младите фудбалери.
Copyright © 2025 Villarreal Masters.
